Дүрт ауылға һыу баҫыу ҡурҡынысы янай

Силәбе өлкәһе биләмәһендәге һыуһаҡлағыстан һыу ағыҙыу һәм көслө ямғырҙар һөҙөмтәһендә Әй һәм Йүрүҙән йылғалары кимәле күтәрелә.

Республиканың Ғәҙәттән тыш хәлдәр хеҙмәтенән белдереүҙәренсә, бөгөн, 2 июлдә, ғәҙәттән тыш хәл һаҡлана. Иртәгә йылғалар яйлап кире үҙ ярҙарына ҡайта башлай, тип фаразлана.

Салауат районының – Сулпан, Мәсетле районының Аҙнағол, Иҫке Мишәр, Сөләймән ауылдарында 30-ға яҡын йорт хужалығына һыу инеүе ихтимал.

Урындағы халыҡҡа тейешле мәғлүмәт еткерелде, тип белдерә ведомство хеҙмәткәрҙәре.