Ҡойма ямғырҙар көтөлә

Башгидрометүҙәк хәбәр итеүенсә, ялға ҡарай Башҡортостанда һауа торошо ҡырҡа үҙгәрә.

Ҡаҙағстандың үтеп ингән циклон күпселек райондарға, төньяҡ-көнбайыш райондарҙан тыш, көслө ямғыр алып килә.

28 һәм 29 июндә урыны менән ҡойма яуын, оҙайлы көслө ямғыр, күк күкрәгәндә елдең секундына 17-22 метрға тиклем көсәйеүе фаразлана. Республиканың бәләкәй дала һәм тау йылғаларында һыу кимәленең ҡапыл күтәрелеүе ихтимал, тип белдерә синоптиктар. 30 июнгә яуым-төшөм кәмей. Урыны менән ҡыҫҡа ваҡытлы ямғыр яуыуы мөмкин.

Һауа температураһы төндә +8,+13°, көндөҙ +12,+20° була.