Ҡойма ямғыр, йәшен һәм 33 градус эҫе булыуы фаразлана

Синоптиктар фаразына ярашлы, шаршамбы, 19 июндә, урыны менән ҡыҫҡа ваҡытлы ямғыр, йәшен, урыны менән көслө ямғыр, ҡойма ямғыр, эре боҙ-борсаҡ яуыуы ихтимал. Ел көньяҡ-көнсығыштан, көньяҡ-көнбайыштан талғын, йәшен ваҡытында көсәйеүсән. Һауа температураһы көндөҙ +28,+33°.

Кесаҙна, 20 июндә, ҡыҫҡа ваҡытлы ямғыр, урыны менән йәшен, ҡойма ямғыр, боҙ-борсаҡ көтөлә, көньяҡ-көнбайыш райондарҙа яуым-төшөмһөҙ. Ел көнбайыштан талғын, урыны менән көсәйеүсән. Һауа температураһы төндә +13,+18°, көндөҙ +23,+28°.

Йома, 21 июндә, айырым райондарҙа ҡыҫҡа ваҡытлы ямғыр фаразлана. Ел көнбайыштан талғын, көсәйеүсән. Һауа температураһы төндә +11,+16°, көндөҙ +25,+30°.

 Сығанаҡ: "Башинформ".