Берҙәмлек, бер-береңде аңлау, матурлыҡҡа һөйөү берләштерә

Республика район хакимиәттәре мәғлүмәт-аналитика бүлектәре Ҡорбан байрамы уңайынан күркәм флеш-моб ойошторған.

“Матурлыҡ һәм күңел тыныслығы” флеш-мобында ҡатнашыусыларға сәскә композициялары эшләргә тәҡдим ителә. Уларҙа мосолман атрибуттары йәки Ҡорбан байрамын хәтерләткән әйберҙәр ҙә булырға тейеш.

Флеш-моб идеяһы юҡтан ғына барлыҡҡа килмәгән. Мәғлүмәт үҙәктәрендә эшләүселәрҙең күбеһе сәскә үҫтерергә маһир. Был көндә иһә улар үҙ композицияларына дуҫлыҡ, бер-береңде хөрмәт итеү, хеҙмәттәшлек һәм матурлыҡты күрә белеү кеүек мөһим ҡиммәттәребеҙҙе күрһәткән айырым мәғәнә һала.

Берҙәмлек, бер-береңде аңлау, матурлыҡҡа һөйөү кешеләрҙе берләштерә – шуны күрһәтә флеш-моб. Сарала Йәрмәкәй, Саҡмағош, Туймазы, Шишмә, Мәсетле, Асҡын райондары хеҙмәткәрҙәре ҡатнаша.