30 градуслы эҫелек килә

Алдағы көндәрҙә республикала ныҡ эҫетә, тип хәбәр итәләр Башгидрометтан.

Синоптиктар мәғлүмәте буйынса, бөгөн көндөҙ яуым-төшөмһөҙ. Ел төньяҡ-көнбайыштан талғын, көндөҙ көслө. Һауа температураһы көндөҙ +22, +27 градус.

Шишәмбе, 11 июндә, яуым-төшөмһөҙ буласаҡ. Ел йүнәлешен үҙгәртеүсән, талғын, көндөҙ урыны менән көслө. Һауа температураһы төндә +15, +20 градус, көнсығышта +10 градус. Көндөҙ +26, +31 градус.

Шаршамбы, 12 июндә, яуым-төшөмһөҙ. Ел йүнәлешен үҙгәртеүсән, талғын, көндөҙ урыны менән көслө. Һауа температураһы төндә +15, +20 градус, көнсығышта +10 градус. Көндөҙ иһә +26, +31 градус.

Сығанаҡ: "Башинформ".