“Берҙәм Рәсәй” партияһы үҙ кандидатын күрһәтте

Кисә “Өфө-Арена” спорт аренаһында “Берҙәм Рәсәй” Бөтә Рәсәй сәйәси партияһының төбәк конференцияһы үтте.

Унда Мәскәүҙән партия етәкселеге һәм республиканың беренсел ойошмалары делегаттары ҡатнашты.

Партия конференцияһы сентябргә билдәләнгән һайлауҙа Башҡортостан Башлығы вазифаһына кандидат күрһәтеү мәсьәләһен хәл итте. Йәшерен тауыш биреү юлы менән “Берҙәм Рәсәй” партияһының төбәк ойошмаһы Радий Хәбировты Башҡортостан Башлығы вазифаһына кандидат итеп күрһәтте.

Һайлау 8, 9 һәм 10 сентябрҙә – өс көн дауамында үтә.