Яҡташ һылыуыбыҙ Минскиҙа чемпионатта миҙал яуланы

Башҡортостан спортсыһы Полина Хәйертдинова фехтование буйынса Союз дәүләтенең асыҡ чемпионатында көмөш призер булды. Яҡташыбыҙ Минскиҙа барған Союз Дәүләте чемпионатында ҡатын-ҡыҙҙар араһында ҡылыс менән алышыу буйынса команда беренселегендә Рәсәй йыйылмаһы составында (Татьяна Андрюшина, Анастасия Солдатова, Кристина Ясинская) сығыш яһаны, тип хәбәр иттеләр республиканың Спорт министрлығында. Мәғлүм булыуынса, бынан алда Өфөләге спидвей йондоҙҙары уңышлы сығыш яһағайны.

https://www.bashinform.ru/news/sport/2024-06-04/fehtovalschitsa-iz-bashkirii-vzyala-serebro-otkrytogo-chempionata-v-minske-3797631