Күсмә медицина бригадалары 54 меңдән ашыу кешене ҡараған

Башҡортостанда “Сәләмәт республика – сәләмәт төбәк” акцияһы дауам итә. Табиптарҙың күсмә бригадалары 3 июндән 10 июнгә тиклем Ҡырмыҫҡалы, Благовещен, Тәтешле, Яңауыл, Ишембай, Дыуан, Баҡалы һәм Учалы райондарында буласаҡ, тип белдерҙе Хөкүмәттең бөгөнгө кәңәшмәһендә һаулыҡ һаҡлау министры Айрат Рәхмәтуллин.

15 апрелдән 31 майға тиклем табиптар 103 ауыл-ҡасабала булып, 54 меңдән ашыу кешене ҡараған, 13 меңгә яҡын рентген-тикшереү үткәргән.

Фото: видео скриншоты.

Сығанаҡ: “Башинформ”.