"Минең баҡсам – Башҡортостан" телеграм-каналы эшләй

Башҡортостан баҡсасылары үҙҙәрен ҡыҙыҡһындырған мәғлүмәтте коммерцияға ҡарамаған баҡсасылыҡ эшмәкәрлегенә арналған "Минең баҡсам – Башҡортостан" телеграм-каналынан белергә мөмкин. Был хаҡта "Честно говоря" программаһында республика хөкүмәтенең агросәнәғәт комплексы һәм тәбиғәттән файҙаланыу департаменты директоры Светлана Белова хәбәр итте.

"Каналда беҙ көн һайын тәжрибә уртаҡлашабыҙ, ҡануниәттәге үҙгәрештәр, дәүләт ярҙамы саралары һәм улар менән нисек файҙаланыу тураһында һөйләйбеҙ, ҡыҙыҡлы мәғлүмәттәр менән бүлешәбеҙ. Бынан тыш, актуаль мәсьәләләр буйынса махсус @SNT_RB_bot  эшләй", – тине эксперт.

Сығанаҡ: "Башинформ".