Күршеләргә ярҙам

Ырымбур өлкәһе ташҡындан ҙур зыян күрҙе.

Рәсәйҙең Ғәҙәттән тыш хәлдәр министрлығы хәбәр итеүенсә, Ырымбур өлкәһендә 3,9 мең самаһы өй һәм 8,7 мең йорт яны участкаһы һыу аҫтында ҡалған, 6,1 меңдән ашыу кеше эвакуацияланған.

Кисә хөкүмәттең аҙналыҡ оператив кәңәшмәһендә Башҡортостан Башлығы ташҡындан зыян күргән күршеләргә ярҙам итеү мәсьәләһен күтәрҙе. Республиканан Ырымбурға эсәр һыуҙың тәүге партияһы оҙатылған да инде.

«Бәләгә тарыған яҡын күршеләребеҙгә ярҙам итеү зарур. Нимә һорайҙар - шуны ебәрегеҙ», - тине республика етәксеһе.