Яңы эш аҙнаһы ямғырлы була

Башҡортостанда яңы эш аҙнаһы ямғырлы була, тип фаразлай синоптиктар.

Бөгөн, 8 апрелдә, республикала урыны менән бер аҙ ямғыр яуасаҡ. Ел көньяҡ-көнбайыштан талғын. Һауа температураһы +5, +10°.

Шишәмбе, 9 апрелдә, бер аҙ ямғыр яуыуы көтөлә. Ел көньяҡ-көнбайыштан, көнбайыштан талғын. Һауа температураһы төндә +1, +6°, көндөҙ +8, +13°.

Шаршамбы, 10 апрелдә, ямғыр яуыуы мөмкин, төньяҡ райондарҙа ҡар ҡатыш ямғыр яуыуы ихтимал. Ел көнбайыштан, төньяҡ-көнбайыштан талғын. Һауа температураһы төндә 0, +5°, көндөҙ +6, +11°.

Сығанаҡ: "Башинформ".