Ҡыҙыл утҡа туҡтамаған

Бөгөн иртәнсәк Өфөнөң Октябрҙең 50 йыллығы урамында үлемесле авария теркәлде.

ЮХХДИ хеҙмәтенең мәғлүмәттәре буйынса, Октябрҙең 50 йыллығы урамы буйлап ҙур тиҙлектә хәрәкәт иткән «ВАЗ-2114» водителе, Мингажев урамы киҫелешен светофорҙың ҡыҙыл утына ҡарамай, үтеп китергә маташа һәм Volkswagen Polo машинаһы менән бәрелешә. Һөҙөмтәлә «ВАЗ-2114» тимер ҡоймаға һуғыла һәм ағасҡа барып төкөй.

Аварияла ВАЗ водителе урында йән бирә, ә пассажиры килеп еткән табиптар ҡулында үлә. Volkswagen водителенә ярҙам талап ителә.

Әле юл хәүефһеҙлеге хеҙмәте белгестәре үлемесле юл-траспорт ваҡиғаһының сәбәптәрен асыҡлай.