Ойоҡбаш бәйләй башлайҙар

"Мультимодаль предприятие" яуаплылығы сикләнгән йәмғиәт Башҡортостанда тулы әйләнешле ойоҡбаш производствоһы булдыра.  

"Нефтекама" йылдам үҫеш биләмәһе резиденттары реестрына ингән компания яңы производствоны эшләтеүгә 125 миллион һум инвестиция һала. Инвестор проектты 2024-2030 йылдарҙа тормошҡа ашырырға һәм 35 яңы эш урыны булдырырға ниәтләй. Предприятие, тулы ҡеүәтенә эшләй башлағас, йылына 2,9 миллион парҙан ашыу балалар һәм өлкәндәр өсөн әйберҙәр етештерәсәк.