Башҡорт дәүләт ҡурайсылар ансамбле ойошторола

Был хаҡта дүшәмбе Хөкүмәттең оператив кәңәшмәһендә республика етәксеһе Радий Хәбиров белдерҙе. Тейешле указға бөгөн ҡул ҡуйылған.

–  Мәҙәниәт буйынса советта Башҡорт дәүләт ҡурайсылар ансамблен ойоштороу тураһында бик күп мөрәжәғәттәр килде. Беҙ Әминә Ивний ҡыҙы (Шафиҡова – редакциянан) менән үҙебеҙҙең мөмкинлектәрҙе барланыҡ. Мәктәптәр ҙә, көслө артистар ҙа күп, –  тип билдәләне Башҡортостан Башлығы. – Бөгөнгө көндө республиканың дәүләт ҡурайсылар ансамбленең тыуған көнө тип иҫәпләргә мөмкин.

Радий Хәбиров Республика көнөндә ошо ансамбль сығыш яһай алһын өсөн мәҙәниәт министрына тиҙ арала коллективты тупларға ҡушты.

Сығанаҡ: “Башинформ”.