Радий Хәбиров республика халҡын Туған тел көнө менән ҡотланы

Башҡортостан Башлығы Радий Хәбиров республика халҡын башҡорт һәм рус телдәрендә 21 февралдә билдәләнгән Халыҡ-ара туған тел көнө менән ҡотланы.

«Башҡортостанда 130-ҙан ашыу милләт вәкилдәре йәшәй. Уларҙың һәммәһенең үҙ телендә һөйләшер, уны үҫтерер мөмкинлектәрен киңәйтеү — беҙҙең бурыс. Татыулыҡ һәм берҙәмлек — төп байлығыбыҙ. Уны һаҡлайыҡ. Халыҡ-ара туған тел көнө менән!»

Республика етәксеһе туған телдә һөйләшеүҙең ни тиклем мөһим булыуы хаҡында видеоролик һалған.

"Башинформ" мәғлүмәт агентлығы.