«Башҡорт аты» халыҡ-ара фестивален үткәреү хаҡында указ сыҡты

 «Башҡорт аты» башҡорт тоҡомло аттар фестивале йыл һайын халыҡ-ара статуста уҙғарыласаҡ. Был туралағы указға республикабыҙ Башлығы  Радий Хәбиров 2024 йылдың 16 февралендә ҡул ҡуйҙы.

Фестиваль республикабыҙҙа йылҡысылыҡ, ҡымыҙ бешеү, халыҡ кәсептәре традицияларын һаҡлау һәм үҫтереү, башҡорт тоҡомло аттар һанын арттырыу һәм популярлаштырыу маҡсатында ойошторола. Уны үткәреү урыны итеп Баймаҡ районы билдәләнә.

Фото: «Башинформ».