Ҡаты һыуыҡтар көтөлә

Башҡортостанда күпләп ҡар яуғандан һуң көндәрҙең һыуытыуы көтөлә, тип хәбәр итә республика синоптиктары.

Башгидромет мәғлүмәттәре буйынса, бөгөн көндөҙ бер аҙ ҡар яуа. Ел көньяҡ-көнбайыштан, көнбайыштан талғын. Һауа температураһы - 8, -13 градус.

Шәмбе, 10 февралдә, бер аҙ ҡар яуыуы фаразлана. Ел көньяҡ-көнбайыштан, көнбайыштан талғын. Һауа температураһы төндә -16, -21, аяҙытҡанда -26 градус. Көндөҙ -12, -17 градус.

Йәкшәмбе, 11 февралдә, урыны менән бер аҙ ҡар яуыуы көтөлә. Ел көньяҡ-көнбайыштан, көнбайыштан талғын. Һауа температураһы төндә -22, -27, аяҙытҡанда -32 градус. Көндөҙ -12, -17 градус.

Сығанаҡ: "Башинформ".