Тағы үлемесле авария

ЮХХДИ хеҙмәтенән хәбәр итеүҙәренсә,  кисә Өфө – Келәш - Шишмә автомобиль юлында үлемесле юл-транспорт ваҡиғаһы теркәлгән.

35 йәшлек ҡатын "Лада Калина" машинаһында "Рено Логан"ға бәрелгән. Авария һөҙөмтәһендә "Лада Калина"ның пассажиры, оло йәштәге ҡатын, ауыр йәрәхәттәрҙән “Тиҙ ярҙам” машинаһы килеп еткәнгән тиклем ваҡиға урынында йән биргән. Ике пассажир, шул иҫәптән бала, дауаханаға оҙатылған. "Рено" водителенә лә медицина ярҙамы талап ителгән.