Байрам осоронда поликлиникалар нисек эшләй?

“Сәләм” тапшырыуында республикабыҙҙың һаулыҡ һаҡлау министры Айрат Рәхмәтуллин Яңы йыл байрамдарында медицина ойошмаларының эш графигы тураһында һөйләне.

Мәҫәлән, поликлиникалар 30 декабрҙән 8 ғинуарға тиклем 8.00 сәғәттән 17.00 сәғәткәсә ҡабул итәсәк. Ҡатын-ҡыҙҙар консультациялары 1 ғинуарҙан 5 ғинуарға хәтлем һәм 8 ғинуарҙа эшләйәсәк. 1 ғинуарҙан 6 ғинуарға ҡәҙәр һәм 8 ғинуарҙа 8.00 сәғәттән 17.00 сәғәткәсә республикала йәшәүселәр профилактик медицина тикшереүҙәре һәм диспансеризация үтә аласаҡ.

Дауаханалар, ауырыуҙарҙы ҡабул итеү бүлектәре һәм тиҙ медицина ярҙамы был осорҙа тәүлек әйләнәһенә эшләйәсәк.

Фото: “Башинформ”.