Юлдарҙа махсус рейдтар башлана

Ошо көндәрҙә хеҙмәт коллективтарында Яңы йыл алды корпоративтары үтә.  

Республиканың ЮХХДИ начальнигы Владимир Севастьянов белдереүенсә, бөгөн «Иҫерек водитель» иҫкәртеү рейды башлана. Уның маҡсаты – иҫерек водителдәр ҡатнашлығындағы юл-транспорт ваҡиғаларына юл ҡуймау.

Был көндәрҙә Дәүләт автоинспекцияһы төнгө ваҡытта иҫерек водителдәрҙе асыҡлауға йүнәлтелгән юл-патруль хеҙмәте нарядтарының һанын арттыра.

Ағымдағы йылда эскән водителдәр ҡатнашлығында 395 юл-транспорт ваҡиғаһы теркәлгән, уларҙа 113 кешенең, шул иҫәптән 1,5 йәшлек баланың ғүмере өҙөлгән, 451-е төрлө дәрәжәләге йәрәхәттәр алған.