+24 °С
Ямғыр
Һуңғы яңылыҡтар
21 Декабрь 2023, 06:54
Стәрлетамаҡтан Диана Мәннәнова «Пятница!» телеканалында «Умнее всех» интеллектуаль шоуында ҡатнаша
Башҡортостан уҡыусыһы «Пятница!» телеканалында «Умнее всех» шоуында көс һынаша. Йәш яҡташыбыҙ аҡсалата приз алырмы-юҡмы, был хаҡта бөгөн, 21 декабрҙә, киске сәғәт 10-да белергә мөмкин.
Стәрлетамаҡтан Диана Мәннәнова «Пятница!» телеканалында «Умнее всех» интеллектуаль шоуында ҡатнаша
Стәрлетамаҡтан 11 йәшлек Диана Мәннәнова «Умнее всех» интеллектуаль шоуының яңы сығарылышында ҡатнаша.
Диана — һиҙгер тойомлау һәләтенә эйә, бала сағынан скрипкала уйнай. Киләсәктә уҡыусы ҡыҙ үҙ һөнәрен ижад менән бәйләргә хыяллана.
Йәш яҡташыбыҙ аҡсалата приз алырмы-юҡмы, был хаҡта бөгөн, 21 декабрҙә, киске сәғәт 10-да белергә мөмкин.
«Умнее всех» шоуында 9-14 йәшлек балалар уйнай. Улар программалау, геосәйәсәт, шахмат, вексиллология, менталь арифметика, серпентология һәм башҡа өлкәләрҙе яҡшы белә. Проектты Тина Канделаки алып бара.
Бынан алдараҡ «Умнее всех» шоуында Өфөнән 14 йәшлек Рената Васильева ҡатнашҡайны.
