Радий Хәбиров үҙенең Мөрәжәғәтнамәһендә өс бурыстар блогын билдәләне

Башҡортостан Башлығы Радий Хәбиров үҙенең йыллыҡ Мөрәжәғәтнамәһендә республиканың идара итеү командаһы өсөн өс мөһим бурыстар блогын билдәләне.

Беренсеһе – махсус хәрби операция маҡсаттарына өлгәшеү буйынса әүҙем эш, барлыҡ ресурстарыбыҙҙы мобилизациялау, алғы һыҙыҡтағы яугирҙәребеҙгә, яңы ирекле подразделениелар ойоштороуға булышлыҡ итеү, гуманитар ярҙам.

Икенсеһе – махсус хәрби операция ветерандары, инвалидтары һәм уларҙың ғаиләләре, һәләк булған геройҙарҙың туғандары һәм яҡындары менән эшләү, уларҙың хәтерен мәңгеләштереү, яугирҙәрҙе һәм уларҙың туғандарын реабилитациялау, йәштәр менән хәрби-патриотик эш алып барыу, ил эсендә ижтимағи-сәйәси хәлде ҡаҡшатырға, милләт-ара конфликттарҙы киҫкенләштерергә тырышыуҙарға ҡаршы тороу.

Өсөнсө бурыстар блогы - республика үҫеше пландарын һәм программаларын дауам итеү, иҡтисадты, социаль өлкәне нығытыу, инвестиция, технологик, инфраструктура проекттарын ғәмәлгә ашырыу, халыҡтың йәшәү сифатын артабан да яҡшыртыу.