Уҡыусылар өсөн киң мөмкинлектәр аса

Өфөнөң вуз-ара кампусында робот техникаһы һәм VR- технологиялары лабораториялары булдырыу ҡаралған.

Уларҙа Башҡортостан мәктәптәре уҡыусылары үҙҙәренең роботтарын эшләй һәм виртуаль ысынбарлыҡ технологияларын өйрәнә аласаҡ.

Әле робот техникаһы буйынса 3-4 кластар өсөн махсус курстар әҙерләнгән. 5-7-се класс уҡыусылары өсөн курстарҙа балалар роботтың төрлө компоненттары менән идара итеү өсөн программа кодының төп өлөшөн яҙырға өйрәнәсәк. Улар шулай уҡ сымлы һәм сымһыҙ системаларҙа файҙаланылған мәғлүмәт тапшырыу өсөн төп сигналдарҙы өйрәнә. Шулай уҡ 8-9-сы һәм 10-11-се кластар өсөн тағы ике белем биреү программаһын булдырыу күҙаллана. Улар өлкән класс уҡыусыларына ысын производство системаларына яҡын роботтарҙы проектлау, конструкторлау һәм программалауҙы тәрәнерәк өйрәнеү мөмкинлеген аса.