Яңы йыл уттары ҡабына

Өфөнө Яңы йылға биҙәү дауам итә. Ҡайһы бер урамдарҙа яңы йыл иллюминацияларын ҡабыҙғандар ҙа инде. Мәҫәлән, Октябрҙең 50 йыллығы, Ленин, Сочи урамдарын, Ибраһимов бульварын байрам уттары йәмләй.

“Ағиҙел йылғаһы буйындағы боҙ катогында иллюминацияларҙы монтажлау һәм ҡабыҙыу планлаштырыла. Быйыл сағыу уттар Ленин урамында – Зәки Вәлиди урамынан Пушкин урамына тиклемге арауыҡта, Пушкин аллеяһында – Ленин урамынан Карл Маркс урамына тиклем байрам төҫө өҫтәп, күңелле кәйеф бүләк итәсәк. Эштәр йылдам алып барыла”, – тип билдәләнеләр Өфө ҡала хакимиәтендә.

 Сығанаҡ: “Башинформ”.