Үҙеңде һынап ҡара

12 декабрҙә Рәсәй Федерацияһы Конституцияһын ҡабул итеүгә 30 йыл тула.

Ошо датаға бәйле әле онлайн-конкурс бара. Унда Башҡортостандан 18 йәштән өлкән 473 меңдән ашыу кеше ҡатнашҡан.

Конкурс 30 ноябрҙә тамамланырға тейеш ине, ойоштороусылар бәйгене 10 декабргә тиклем оҙайтты.

“Рәсәй Конституцияһына 30 йыл” конкурсы – үҙегеҙҙе тикшерегеҙ!" онлайн-платформала (онлайн-платформе) үткәрелә. Ҡатнашыу өсөн теркәлеү үтергә һәм Конституция нигеҙҙәре тураһында 10 һорауға яуап бирергә кәрәк. Тест үтеүгә 10 минут бүленә. Һынауҙа ҡатнашҡандарға электрон сертификат бирелә. Ә еңеүселәрҙе мөмкин тиклем ҡыҫҡа ваҡыт эсендә бөтә һорауҙарға дөрөҫ яуап биргәндәр араһынан билдәләйҙәр. Уларҙы ҡиммәтле бүләктәр көтә.