Йылыраҡ кейенегеҙ!

Алдағы көндәрҙә республикабыҙҙа ҡаты һыуыҡтар көтөлә, тип хәбәр итә Башгидрометүҙәк. Кесаҙна, 7 декабрҙә, һауа температураһы төндә -28, -33, көндөҙ  -21, -26 градусҡа тиклем төшәсәк. Республиканың көньяғында төндә  -20, -25,  көндөҙ -15, -20 градусҡа тиклем һалҡын буласаҡ.

Шаршамбы, 6 декабрҙә, урыны менән бер аҙ ҡар яуыуы ихтимал. Ел көнбайыштан, төньяҡ-көнбайыштан, талғын. Төндә -13, -18, көндөҙ -11, -16 градус һалҡын булыуы фаразлана.

Фото "Башинформ"дан алынды.