2024 йылда республикала минималь эш хаҡы 22128 һумға етә

2024 йылдың 1 ғинуарынан Башҡортостанда минималь хеҙмәт хаҡы район коэфициентын иҫәпкә алып, 22 128 һум (НДФЛ алынғанға тиклем) буласаҡ.

 Хәтерегеҙгә төшөрөп китәбеҙ: РФ Дәүләт Думаһы өсөнсө уҡыуҙа 2024 йылдың 1 ғинуарынан минималь эш хаҡын 19 242 һумға тиклем күтәреү хаҡында закон проектын ҡабул иткәйне. 

«Эш биреүселәр хеҙмәт хаҡын билдәләнгән минималь эш хаҡы кимәленән кәм түләргә тейеш түгел. Ул хаҡта Рәсәй Хеҙмәт кодексында яҙылған. Ай дауамында үҙенең һөнәри бурысын тулыһынса башҡарған хеҙмәткәрҙең эш хаҡы минималь эш хаҡынан аҙ булырға тейеш түгел, – ти Дәүләт хеҙмәт инспекцияһы етәксеһе урынбаҫары Оксана Ванскова. – 2023 йылда республикала был сумма – 18 678 һум (НДФЛ алынғанға тиклем), сөнки район коэффициенты минималь эш хаҡы күләменә өҫтәп иҫәпләнә».

Фото «Башинформ»дан алынды.