Бөгөн һәм иртәгә бер аҙ ҡар яуа

Республика синоптиктары хәбәр итеүенсә, алдағы ике көндә Башҡортостанда бер аҙ ҡар яуа.

Башгидромет мәғлүмәттәре буйынса, бөгөн, 17 ноябрҙә, бер аҙ епшек ҡар яуыуы, урыны менән сымдарға һәм ағастарға епшек ҡар һырыуы көтөлә.

Ел көньяҡтан, йүнәлешен төньяҡҡа үҙгәртеп талғын. Һауа температураһы төндә һәм көндөҙ -3, +2 градус.

18 ноябрҙә Башҡортостанда урыны менән бер аҙ ҡар яуа, юлдарҙа боҙлауыҡ. Ел төньяҡтан, төньяҡ-көнбайыштан талғын. Һауа температураһы төндә -3, -8 градус, аяҙытҡанда -13 градусҡаса һыуыта. Көндөҙ -1, -6 градус.