«Мисс Азия-2023» конкурсында республикабыҙҙан 22 йәшлек һылыуҡай ҡатнаша

8-15 ноябрҙә Һиндостанда «Мисс Азия-2023» халыҡ-ара гүзәллек конкурсы уҙғарыла. Азияның һылыуҡайҙар конкурсында йыл да Ҡытай, Корея, Япония, Вьетнам, Ҡаҙағстан, Рәсәй, Төркиә, Шри-Ланка, Индонезия һәм башҡа илдәрҙән ҡыҙҙар ҡатнаша. 

Башҡортостан исеменән конкурста «Мисс Башҡортостан-2023» еңеүсеһе Илүзә Иҫәндәүләтова сығыш яһай. Ҡыҙға 22 йәш, ул Сибай ҡалаһында тыуып үҫкән. Былтыр йәй Аҡмулла исемендәге Башҡорт дәүләт педагогия университетын тамамлаған.

Конкурсҡа Илүзә ижади номер әҙерләгән, башҡорт милли кейемендә һәм киске күлдәктә дефиле күрһәтә.

Сығанаҡ: «Башинформ».