Алдағы ял көндәрендә һыуыта

Синоптиктар фаразлауынса, алдағы ике көндә урыны менән 3 градусҡа тиклем һыуыта.

Шәмбе, 11 ноябрҙә, бер аҙ ямғыр яуа, көнсығыш райондарҙа ҡар ҡатыш. Ел төньяҡ-көнбайыштан, төньяҡтан талғын, көндөҙ айырым райондарҙа көсәйеүсән. Төндә һәм көндөҙ 0, +5°.

Йәкшәмбе, 12 ноябрҙә, урыны менән бер аҙ ямғыр, төндә ҡарлы ямғыр яуыуы көтөлә. Ел төньяҡ-көнбайыштан, көнбайыштан талғын. Һауа температураһы төндә -3, +2°, көндөҙ 0, +5°.