Йәштәр баҫмалары бер быуатлыҡ юбилейын билдәләй

Республика йәштәр баҫмаларының бер быуатлыҡ юбилей кисәһе 8 ноябрҙә Өфөлә “Башҡортостан” дәүләт концерт залында уҙа. Байрамда Венер Камалов, Айҙар Ғәлимов, Рәсүл Ҡарабулатов, Фәдис Ғәниев, Лилиә Биктимерова, Гөлсөм Бикбулатова, Заһир Иҫәнсурин кеүек танылған йырсылар һәм Ҡала мәҙәниәт һарайы солистары, Мостай Кәрим исемендәге Милли йәштәр театры артистары сығыш яһаясаҡ. Шулай уҡ республика йәштәр баҫмаларының тарихына бағышланған күргәҙмәләр эшләйәсәк һәм яратҡан гәзит-журналдарға яҙҙырыу ойоштороласаҡ (18.00 сәғәттән).Йәштәр баҫмалары үҙҙәренең барлыҡ дуҫтарын байрамға саҡыра. Инеү ирекле (0+). Сара киске сәғәт етелә башлана. 

Фото: Молодежная газета.