Ковидтан бер ғүмер өҙөлгән

Республикабыҙҙа һуңғы тәүлектә коронавирус 115 ауырыуҙа асыҡланған, унан бер яҡташыбыҙ вафат булған, тип хәбәр итә Башҡортостан Һаулыҡ һаҡлау министрлығының матбуғат хеҙмәте.  
Әле ковид менән сирләүсе 153 кеше дауаханала ята, шуларҙың 95-е – өлкән йәштәгеләр. Амбулатор шарттарҙа дауаланыусылар – 1314, 592-һе – 60 йәште уҙған өләсәй һәм олатайҙар.

Тәүлек эсендә зәһәр инфекциянан 113 кеше сәләмәтләнгән, тип билдәләйҙәр министрлыҡта.

Фото: “Башинформ”.