Төп законға өс тиҫтә йыл

Быйыл Рәсәй һәм Башҡортостан Конституцияларын ҡабул итеүгә 30 йыл тула.

Илебеҙҙең төп законы 1993 йылдың 12 декабрендә ҡабул ителһә, шул уҡ йылда, ун ике көн айырма менән республикабыҙ Конституциялы була.

Билдәле булыуынса, төрлө йылдарҙа ике законға ла үҙгәрештәр индерелә.

Башҡортостан Республикаһы Башлығы Радий Хәбиров 2023 йылдың 25 октябрендә "Башҡортостан Республикаһында Рәсәй Федерацияһы Конституцияһын ҡабул итеүҙең 30 йыллығына арналған сараларҙы әҙерләү һәм үткәреү тураһында"ғы 325-се бойороҡҡа ҡул ҡуйҙы. Уға ярашлы, ойоштороу комитетын Башҡортостан Башлығы етәкләй.