Коронавирус йоҡтороусылар арта

Республикабыҙҙа коронавирус менән сирләүселәр күбәйә. Үткән тәүлектә был инфекция 82 ауырыуҙа асыҡланған, тип билдәләй Башҡортостан Һаулыҡ һаҡлау министрлығының матбуғат хеҙмәте. 18 октябрҙә ковид йоҡторған 74 кеше теркәлгәйне, 19-ында – 76.

Әлеге ваҡытта 111 яҡташыбыҙ дауаханала ята, уларҙың 67-һе – 60 йәштән өлкәнерәк. Поликлиника табибы күҙәтеүе аҫтында өйҙәрендә дауаланыусылар – 963, 446-һы – оло йәштәгеләр.

Уҙған тәүлектә ковидтан 77 кеше сәләмәтләнгән, тип хәбәр итәләр министрлыҡтан. Унан һауығыусыларҙың дөйөм һаны – 366 289. 

Фото “Башинформ”дан алынды.