Чиновниктарға ниндәй автомобилдәрҙә йөрөргә рөхсәт

Президент Владимир Путин, чиновниктар илебеҙ автомобилдәрендә йөрөргә тейеш, тип белдергәйне.

Киң мәғлүмәт сараларына Сәнәғәт һәм сауҙа министрлығы муниципаль һәм дәүләт хеҙмәткәрҙәре өсөн автомобилдәрҙең маркалары исемлеген төҙөгәне билдәле булды. 

Ведомство тәҡдиме буйынса, эш өсөн Lada (моделдәр: Granta, Vesta, Vesta SW Cross, Niva Legend һәм Niva Travel), Aurus (Komendant, Senat), УАЗ («Патриот», «Профи», «Пикап», СГР, «Хантер»), "Москвич" (3, 3е, 6), Evolute (I-Sky, I-Joy, I-Pro)һәм Haval (Dargo, Jolion, H9, F7/F7x) еңел автомобилдәрен һатып алырға мөмкин.

Үткән аҙнала Өфө ҡалаһы райондары хакимиәттәре башлыҡтарының беренсе урынбаҫарҙарына Lada Niva Travel автомобилдәре асҡысы тапшырылды ла инде.