Исеме мәңгеләштерелә

Бөгөн, 19 октябрҙә, Өфөлә күренекле башҡорт композиторы Салауат Низаметдинов иҫтәлегенә көндөҙгө 13.00 сәғәттә Ленин урамындағы 162-се йортта мемориаль таҡтаташ асыла.

Композитор 1997-2003 йылдарҙа ошо йортта йәшәгән.  Сараға республиканың мәҙәниәт һәм сәнғәт эшмәкәрҙәре, композиторҙың туғандары һәм дуҫтары саҡырылған.

Салауат Низаметдинов (1957-2013) — һигеҙ опера, симфоник, камера, хор әҫәрҙәре, 200-ҙән ашыу йыр һәм романс авторы. Ул әүҙем йәмәғәт эшмәкәрлеге алып бара, 2005-2009 йылдарҙа Башҡортостандың Композиторҙар союзы етәксеһе була. Рәсәйҙең һәм Башҡортостандың атҡаҙанған сәнғәт эшмәкәре, Ғ. Сәләм исемендәге, Рәсәйҙең Композиторҙар союзы премияһы лауреаты.