Дауылдан һаҡ булығыҙ

Кисә көслө елдән Өфөлә 21 ағас, бер реклама таҡтаһы ҡолаған. Һөҙөмтәлә 3 кеше, 9 автомашина зыян күргән.

Башҡортостан буйынса Ғәҙәттән тыш хәлдәр министрлығы бөгөн дә республика халҡын хәүефле метеорологик күренештәр хаҡында иҫкәртә. Урыны менән елдең тиҙлеге секундына 15-20 метрға тиклем етеүе фаразлана.

Алдағы тәүлектә аяҙлы-болотло һауа торошо көтөлә. Урыны менән бер аҙ ямғыр. Һауа температураһы төндә 0,+5°, көндөҙ +3,+8°. Автомобиль юлдарында күреү мөмкинлеге һәйбәт.