Ковид йәнә 71 яҡташыбыҙҙа асыҡланған

Башҡортостан Һаулыҡ һаҡлау министрлығы мәғлүмәттәре буйынса, һуңғы тәүлектә коронавирус 71 сырхауҙа раҫланған.

Пандемия башланғандан алып республикабыҙҙа был инфекцияны йоҡтороусылар 372 993-кә еткән.

Бөгөнгө көндә ковид менән сирләүсе 118 кеше дауаханала ята, 70-е – оло йәштәгеләр. 928 ауырыу өйөндә дауалана, уларҙың 424-е – 60 йәште үткән өләсәй һәм олатайҙар.

Тәүлек эсендә коронавирустан 60 кеше һауыҡҡан. Унан сәләмәтләнеүселәрҙең дөйөм һаны – 365 839, тип билдәләйҙәр министрлыҡта.

Фото “Башинформ”дан алынды.