93-ө – стационарҙа, 932-һе өйҙә дауалана

Һуңғы тәүлектә республикабыҙҙа коронавирус 80 ауырыуҙа асыҡланған, тип хәбәр итә Башҡортостан Һаулыҡ һаҡлау министрлығы. Кисә улар һаны 82 ине.

Әлеге ваҡытта 93 сырхау стационарҙарҙа ковидтан дауалана. Шуларҙың 56-һы – 60 йәштән өлкәнерәк. Амбулатор шарттарҙа дауаланыусылар – 932, 308-е – оло йәштәге ханымдар һәм уҙамандар.

Тәүлек эсендә был инфекциянан һауығыусылар – 47.

Фото “Башинформ”дан алынды.