Ял көндәре һалҡынайта

Башҡортостанда ял көндәрендә һалҡын булыуы көтөлә, тип хәбәр итә Башгидромет. Бөгөн, 6 октябрҙә, һауа температураһы һиҙелерлек түбәнәйә. Урыны менән ҡыҫҡа ваҡытлы ямғыр яуыуы ихтимал. Ел көньяҡ-көнбайыштан, көньяҡтан талғын. Көндөҙ +5, +10 градус булыуы көтөлә.

Шәмбе, 7 октябрҙә, йәнә бер аҙ ямғыр яуасаҡ. Ел көньяҡ-көнбайыштан, көнбайыштан талғын, урыны менән көсәйеүсән. Төндә +3, +8 градус, көндөҙ һауа +10, +15 градусҡаса йылына.

8 октябрҙә лә бер аҙ ямғыр яуыуы көтөлә. Ел көньяҡ-көнбайыштан талғын, урыны менән көсәйеүсән. Төндә +1, +6 градус булһа, көндөҙ һауа температураһы +5, +10 градусҡа тиклем күтәрелә.

Сығанаҡ: "Башинформ".