Рәсәйҙең Ҡораллы көстәренә саҡырылыш 1 октябрҙә башлана

1 октябрҙән Рәсәйҙең барлыҡ субъекттарында хәрби хеҙмәткә саҡырылыш башлана (Алыҫ Төньяҡта ғына климатҡа бәйле 1 ноябрҙән). Был турала Оборона министрлығы вәкилдәре Рәсәй Ҡораллы Көстәре Генераль штабының Баш ойоштороу-мобилизация идаралығы начальнигы урынбаҫары Владимир Цимлянскийҙың брифингында белдерҙе.

«Егеттәрҙең барыһы ла Рәсәй биләмәһенә хеҙмәт итергә ебәрелә. Улар махсус хәрби операция бурыстарын үтәүҙә ҡатнашмай», - тип билдәләнеләр Оборона министрлығында.

Хәрби хеҙмәтен тултырған егеттәр өйҙәренә ҡайтарыла.

Рәсәй Ҡораллы Көстәренең Генераль штабында өҫтәмә мобилизация сараларын уҙғарыу планы юҡ.

https://www.bashinform.ru/news/social/2023-09-29/prizyv-v-vooruzhennye-sily-rossii-nachnetsya-s-1-oktyabrya-minoborony-3459202