Коронавирус йәнә 69 ауырыуҙа раҫланған

Башҡортостан Һаулыҡ һаҡлау министрлығы республикала коронавирус йоҡтороусыларҙың артыуын билдәләй. Үткән тәүлектә инфекция 69 ауырыуҙа асыҡланған, кисә – 65, өсөнсө көн 61 кешелә диагнозланғайны. Пандемия башланғандан алып сир 371 548 яҡташыбыҙҙа раҫланған.

 Министрлыҡ мәғлүмәттәре буйынса, бөгөнгө көндә ковидтан 112 сырхау – стационарҙарҙа, 951-е өйҙәрендә дауалана. Үткән тәүлектә 40 кеше был зәһәр сирҙән сәләмәтләнеүгә өлгәшкән.

Фото "Башинформ"дан алынды.