Радий Хәбиров “Өфө-2 ҡаласығы " археологик ҡомартҡыһы менән бәйле хәлгә аңлатма бирҙе

Радий Хәбиров “Өфө-2 ҡаласығы " археологик ҡомартҡыһы менән бәйле хәлгә аңлатма бирҙе. Радий Хәбировтың граждандар йәмғиәте институттары активистары менән осрашыу барышында Республика Башлығынан «Өфө-2 ҡаласығы» археологик ҡомартҡыһы тирәһендәге хәлгә аңлатма биреүҙәрен һоранылар. Республика етәксеһе Республика Йәмәғәт палатаһына ғалимдар һәм эксперттар ингән ведомство-ара комиссия төҙөргә ҡушты. "Биләмәнең тарихи, фәнни һәм археологик әһәмиәтен төплө баһалап, уны нисек үҫтерергә кәрәклеге тураһында объектив тәҡдимдәр төҙөгөҙ, – тине Радий Хәбиров. - Кешеләрҙе нимә борсоуын иғтибарлап тыңлағыҙ. Йәмғиәт менән килешеп бөтмәйенсә унда бер ниндәй ҙә эш башланмаясаҡ”.

Фото: "Башинформ"дан.