Республикала хәбәрһеҙ юғалған үҫмерҙәрҙе эҙләйҙәр

Башҡортостанда «Балаларҙы эҙләү — Иглин» йәмәғәт ойошмаһы ирекмәндәре 19 сентябрҙә иртән «Бәйләнештә» социаль селтәрендә хәбәрһеҙ юғалған ике үҫмер тураһында яҙҙы. 2009 йылда тыуған Данил Драпковты һәм 2010 йылғы Ксения Подгорнаяны эҙләйҙәр. Мәғлүм булыуынса, улар 18 сентябрҙә кискеһен юғалған. Данилдың билдәләре: сәстәре һарғылт төҫтә, ҡыҫҡа, уртаса кәүҙәле, буйы яҡынса –  162 см., өҫтәнә спорт костюмы кейгән. Ксенияның билдәләре: сәстәре ҡыҙыл төҫкә буялған, тығыҙыраҡ кәүҙәле, буйы яҡынса – 155 см. Джинса салбар, спорт кофтаһы кейгән. "Уларҙың ҡайҙалығын белгән йәки күргәндәрҙең 112 йәки 8-927-969-89-19, 8-917-383-56-87 телефондары буйынса хәбәр итеүен һорайбыҙ", - тип мөрәжәғәт итте ирекмәндәр граждандарға.

Фото: «Балаларҙы эҙләү — Иглин» йәмәғәт ойошмаһының «Бәйләнештә» социаль селтәренән.