Башҡортостан һылыуы гер спорты буйынса донъя чемпионатында миҙал яуланы

Яҡташыбыҙ Розана Кашапова гер спорты буйынса донъя чемпионатында һәм беренселегендә көмөш миҙал яуланы. Был хаҡта Балтас районы хакимиәте башлығы Илгиз Субушев хәбәр итә.  Спортсы ҡыҙ ошо районда тыуып үҫкән.

Ярыштар 7-12 сентябрҙә Үзбәкстандың Хиуа ҡалаһында уҙҙы. Унда донъяның 21 иленән 600-ҙән ашыу спортсы ҡатнашты. Республикабыҙҙы Рәсәйҙең йыйылма командаһы ағзаһы, Рәсәйҙең спорт мастеры Розана Кашапова күрһәтте. Әйткәндәй, спортсыларыбыҙ был ярышта рәсми гимн һәм милли йыйылма команданың флагы менән сығыш яһаны.

Фото:Илгиз Субушев/vk.com

https://www.bashinform.ru/news/sport/2023-09-13/sportsmenka-iz-bashkirii-stala-serebryanym-prizerom-chempionata-i-pervenstva-mira-po-girevomu-sportu-3433770