Әлеге мәлдә 15 шылтыратыу ҡабул ителгән

"Һайлауҙар-2023" йәмәғәт матбуғат үҙәгендә эш дауам итә. Матбуғат үҙәгенең төп бурысы - һайлауҙарҙың ғәҙел үтеүен күҙәтеү. Киң мәғлүмәт саралары һайлауҙар барышы тураһында оператив мәғлүмәт менән таныштыра бара.  Шулай уҡ Call-үҙәк эшләп килә. Әлеге мәлдә  сәғәт төшкө икеләргә тиклем 15 шылтыратыу ҡабул ителгән. Ниңә ярма таратмайҙар, тип ҡыҙыҡһынып шылтыратыусылар ҙа табылған. Ә, ғүмүмән алғанда, Һорауҙар  күберәк һайлау участкаһының эшләү ваҡытын, адрестарҙы белешеү буйынса, шулай уҡ бер кеше өйгә килеп һайлатыуҙарын үтенеп шылтыратҡан булған, тип хәбәр итте Анна Сучкова Call-үҙәктә Һайлауҙарҙы ойоштороу буйынса яуаплы.