Совет майҙанына уйнарға кил

14-17 сентябрҙә Өфөнөң Совет майҙанында Бөтә Рәсәй “Әйҙәгеҙ уйнарға” уйынсыҡтар фестивале үтә.

Ул мәғариф, сәнәғәт, ата-әсәләр һәм балалар ойошмалары өсөн заман балаларының уйын мәҙәниәте, уйын һәм бала тәрбиәләүҙә уйынсыҡтар, балаларҙың уйынға хоҡуғы мәсьәләләре буйынса берҙәм майҙансыҡ буласаҡ.  

Дүрт көнгә Совет майҙаны уйынсыҡтар эшләүсе Рәсәй етештереүселәре продукцияһы күргәҙмәһе, терелгән йәнһүрәттәр персонаждары, балалар уйындары урынына әүерелә, унда балалар тауарҙары индустрияһы етештереүселәре ҡатнашлығында практик сессиялар, семинарҙар ҙа ойошторола.