«Башҡорт аты» байрамында - ҡымыҙфест

11-13 августа Баймаҡ районында икенсе «Башҡорт аты» халыҡ-ара фестивале үтә. Унның программаһында “ҡымыҙфест” та була.  

Ул йылҡысылыҡ, ҡымыҙ эшләү һәм халыҡ кәсептәре йолаларын һаҡлау һәм үҫтереү, башҡорт тоҡомло аттар һанын арттырыу һәм популярлаштырыу маҡсатында ойошторола.

11 августа байрам программаһында ат спорты ярыштарының һайлап алыу турҙары үтә. 12 августа «Ауҙарыш» (аттарҙа көрәш), «Ылаҡ» (аттарҙа команда уйыны) милли спорт төрҙәре буйынса ярыштар, «Тай-тулак» (һыбайлылар чемпионаты), йәйәү һәм атта сабып барған килеш уҡтан атыу ҡаралған. Шулай уҡ төрлө тоҡомло аттар күргәҙмәһе була.