Ел көсәйеүе көтөлә

Башҡортостан буйынса Ғәҙәттән тыш хәлдәр министрлығының матбуғат хеҙмәте хәбәр итеүенсә, республикала көн торошо боҙолоуы көтөлә.

«Урыны менән елдең тиҙлеге секундына 18 метрға етергә мөмкин. Республика буйынса Ғәҙәттән тыш хәлдәр министрлығы хәүефһеҙлек ҡағиҙәләрен үтәргә кәңәш итә»,

 – тип белдерәләр ведомствола.

Өйҙә булһағыҙ:

• ишектәрҙе һәм тәҙрәләрҙе ябығыҙ;
• асыҡ балкондарҙан нығытылмаған әйберҙәрҙе алығыҙ;
• балаларға урамда ел ваҡытында ҡалырға рөхсәт итмәгеҙ;
• машиналарҙы ағастарға, реклама таҡталарына һәм ҡоймаларға яҡын ҡуймағыҙ.

Әгәр урамда булһағыҙ:

• дауылдан ер аҫты үткәүелендә, магазинда йә подъезда йәшенегеҙ;
• реклама таҡталары, ваҡытлыса конструкциялар, ағастар, автобус туҡталыштары янында ҡалырға тырышмағыҙ;
• электр тапшырыу линиялары аҫтында тормағыҙ һәм өҙөлгән сымдарға теймәгеҙ.     

  Сығанаҡ: «Башинформ».