Мәскәү йөҙөүсеһе - донъя рекордсмены

Мәскәү йөҙөүсеһе Марк Трошин Өфөлә үткән «Беҙ бергә. Спорт» сурдлимпиясыларҙың йәйге уйындарында донъя рекорды ҡуйған.

«Бөгөн республиканың Баталова исемендәге Спорт әҙерлеге үҙәгендә сурдлимпиясыларҙың I Йәйге уйындары сиктәрендә йөҙөү буйынса ярыштар бара. Мәскәү спортсыһы Марк Трошин арҡаға ятып 50 метрға йөҙөүҙә донъя рекорды ҡуйҙы - 26.68»,  - тип яҙҙы Башҡортостандың спорт министры Руслан Хәбибов үҙенең телеграм-каналында.